Huwiler Irina

Ich bin d‘Irina und chume vo Muri. Ich bin Leiterin vode Gruppe Mauloa. Momentan mach ich d‘Bruefsmatura in Züri, da ich Primarlehrerin möcht werde. Nebst em Blauring spiel ich Tennis, unternimm gern öpis mit mine Fründe und tuen bache.

Bürgi Anja

Ich bin d’Anja und chume us Muri. Ich schaffe als Fachfrau Gsundheit im Solino z’Boswil. I minere Freiziit gang ich is Aerobic und vebring gern Ziit mit mine Kollege und Kolleginne. Ich gang scho siit ich i de 3. Klass bin is Blauring und ech liebs eifach. S’allerbeste im Blauring sind alli Lager.

Scheuber Amina

Ich bin d’Amina und chume us Muri. Ich bin stolzi Leiterin vo de Mauloas und i de Scharleitig. Da ich gern Lehrerin wett werde, gang ich z’Wohle ad FMS. Näbem Blauring mach ich vill mit Kollege, bache und choche gern und im Winter fahr ich au ab und zue mol Snowboard. Ich bin scho siit de 2. Klass im Blauring und es gfallt mer immer no so guet wie am erste Tag. Mis Highlight isch natürlich immer s’Sommerlager, wo mer alli mittenand en tolli Ziit verbringed.

Barrer Linda

Ich bin d Linda, chume us Muri und schaffe als Fachfrau Gsondheit i de Pflegimuri. Zäme mit de Amina, Irina und de Anja leit ich d’Gruppe Mauloa. Siit de 2. Klass bin ich im Blauring und es macht mir immerno gnau so Spass. Bis jetzt han ich scho sehr vell lustigi Momänt i de Gruppis erläbt, aber s‘Highlight vom Johr esch natürlich immer s’SOLA !