Scheuber Timea

Ich bin d Timea, chume us Muri und gohne momentan no id Schuel. Nach de Schuel mach ich en Usbildig als FaBe. Mini Hobbies sind näbst em Blauring au no Musig mache und im Winter goni sehr gern uf d Piste met mim Brätt. Im Blauring freu ich mich immer uf die tolle Gruppeöbige am Lagerfüür, wo mer im Sola amigs döfed verbringe.

Hofherr Leonie

Ich bin d’Leonie, chume us Muri und mache momentan en Lehr als KV. Sälber bin ich scho sit em Anfang im Blauring und ha jetzt s Glück Leiterin z sii vo de jüngschte Gruppe. Mis Highlight isch natürlich immer s Sola, vorallem de EasyDay 🙂 Das Lager wo mir aber warschindlech am meiste in Erinnerig wird bliibe, isch das wo ich als 15er Team ha chönne erläbe.

Wachter Muriel

Hoi zäme ich bin d‘Muriel und chume usem schöne Muri & mache s KV uf de Mobiliar. Näbscht em Blauring bin ich gern uf de Loitsch mit Fründe oder dun mich gern sportlich betätige (spele Tennis, tanze Hip Hop & im Winter fahri gern Ski.) Es grosses Highlight für mich im Blauring isch s jährliche SOLA wo eifach jedes Jahr de absoluuti Hammer isch. Ich freue es mich mega als Leiterin mit de jüngschte Meitlis z starte.

Schneider Michaela

Ich bin d’Michaela und ich wohne in Muri. Momentan gang ich ad Kanti z’Wohle. I minere Freiziit spel ich Volleyball, mache gern öppis met Kollege und gang au gern is Blauring. Ich ben scho set de zwoite Klass im Blauring und ben jetzt Leiterin vode Jüngste worde. Mis Blauring Highlight vom Johr isch natürlich s’Sola und s’Scharspiel.

Freimann Sophie

Ich bin d’Sophie und wohne z Muri. Ich mache grad en Informatik Lehr z’Zug und bin d Leiterin vo de jüngste Gruppe. Im Blauring bini scho sit de 2. Klass und mis Highlight isch immer s Lager wo ich au scho sit em Ahfang debi bin. Näbscht em Blauring bini suscht gern mit Kollege zäme.

Amrein Nina

Ech ben d Nina ond chome vo Muri. Ech ben scho vo afang ah debi ond ben Leiterin vo de jüngste Groppe. Ech gange ad Kanti en Wohle. Näbem Blauring duen ech e minere Freizit gern kickboxe ond tanze.