Fischer Jasmin

Ich ben d‘Jasmin und ben siit 2014 Leiterin vo de Gruppe Maumary. Mini Hobbys sind natürli de Blauring, aber ich due au gern lese oder ben met Fründe unterwegs. Mis Bruefsziil esch Primarlehrerin. Mis Highlight im Blauring isch s‘SoLa 2018 gsi, well mer mega vell Chind  im Lager gha hend unds immer lustig gsi esch.

Burkard Michelle

Ich bin d’Michelle, chome us Muri ond be scho siit de 2. Klass im Blauring. Ich schaffe als Schriinerin in Aesch. Ih minere Freiziit gahni gern in Blauring, duene Snöbe, aktiv Grätturne, Wasserfahre, Squashe oder mich soscht ergendwie sportlich betätige. Ich bin Leiterin vo de Gruppe Maumary. Jedes Lager isch für mich es Highlight aber vorallem das im 2014 wo ich als 15-ner Team han döffe erläbe trotz em grusige Wätter. Natürlich isch au jedes Sommerlager ond jedes Scharspiel es riisigs Highlight für mich wo mer sich richtig ustobe chan.

Burkard Selina

Ich bin d’Selina und schaffe als medizinischi Praxisassistentin in Knonau. I minere Freiziit mach ich gern Sport, unternehme öppis mit mine Kollege und natürli de Blauring. Ich bin Leiterin vo de Gruppe Maumary. Mis Highlight vom Blauring isch s’Scharspiel i jedem Lager und ich freue mich of no paar interessanti Momänt im Blauring und zahlrichi Scharpiel. Ebefalls es tolls Erlebnis für mich isch s’Lager 2018 als Lagerleitig gsi.

Ilg Anouk

Ich bin d‘Anouk und ben Leiterin vo de Gruppe Maumary. Ich wohne in Muri und schaffe als medizinischi Praxisassistentin im Spital Muri. Näbst em Blauring benn ich fürs läbe gern uf de loitsch und treffe mich oft mit Frönde. Jedi Gruppestund mit mine ufgweckte Mädis isch für mich einzigartig toll!