Konrad Lisa

Ich bin d’Lisa und zäme mit de Chiara Leiterin vo de sehr lebändige Lunarias. Ich bin scho sett de erste Gruppestund im Blauring debii. För mech esch jedi Gruppestund mit mine Mädels es Highlight. Ich freu mich natürlich au jedes Johr mega uf s’Sola. Es ganz speziells esch aber das im Johr 2015 in Waldkirch gsii, wo ich im 15er-Team gsi ben.
Ich studiere Agrarwösseschafte ade ETH in Züri und i minere Freiziit bin ich nebem Blauring no i de Gugge bi de Stiefeliryter oder bache und choche sehr gern.

Huwiler Chiara

Ich bin d’Chiara und bin Leiterin vo de lustige und ufgweckte Lunarias.  Im Moment studier ich a de Universität Bern. S’Highlight vom Blauring isch für mich s’alljährliche Sommerlager, wo mer immer sehr vell Spass zäme händ und natürlich au die velle tolle Gruppestunde, wo mer s’ganze Jahr dure dörfed erlebe. Nebem Blauring mach ich gern Sport und lese au sehr gern.