Leiterinnen

    Amrein Nina

    Ech ben d Nina ond chome vo Muri. Ech ben scho vo afang ah debi ond ben Leiterin vo de jüngste Groppe. Ech gange ad Kanti en Wohle. Näbem Blauring duen ech e minere Freizit gern kickboxe ond tanze.

        Barrer Linda

        Ich bin d Linda, chume us Muri und schaffe als Fachfrau Gsondheit i de Pflegimuri. Zäme mit de Amina, Irina und de Anja leit ich d’Gruppe Mauloa. Siit de 2. Klass bin ich im Blauring und es macht mir immerno gnau so Spass. Bis jetzt han ich scho sehr vell lustigi Momänt i de Gruppis erläbt, aber s‘Highlight vom Johr esch natürlich immer s’SOLA !

            Bischoff Céline

            Ich bin d’Céline und bin Leiterin vo de Gruppe Pastitos. Ich chume us Muri und gahne id Schuel, damit ich mal chan Lehrerin werde. Ih minere Freiziit gahn ich ussert in Blauring no is Handball und unternimme gern öppis mit Fründe. S’Highlight jedes Jahr findi sicher s’Sommerlager, aber au eusi Gruppestunde und alli andere Ahläss, wie s’Pfingstweekend sind jedes mal es super Erlebnis.

                Bolliger Nora

                Ich ben d’Nora, chome us Muri ond gange ad Kanti z’Wohle. Näbscht em Blauring verbreng ich mini Freiziit sehr gern met schwemme oder onternehme  gern öppis met mine Kolleginne. Im Winter fendis au toll go Snowboard fahre. Im Blauring ben ech Leiterin vo de Amalikas.

                    Bossart Selena

                    Ich bin d’Selena und chume vo Muri. Ich bin Leiterin vode Chichewas und mis Highlight im Blauring esch amigs s’Sommerlager. Ich gange ad Kanti in Wohle und nebem Blauring spelli gern Volleyball.

                        Brühlmann Anouk

                        Ich bin d’Anouk und gahne ad Kanti z Wohle. Ich bin selber scho siit de 2. Klass im Blauring und bin Leiterin vo de Gruppe Churros. Neb em Blauring bin ich im Rettigsschwimme, zeichne und bin gern mit Fründinne unterwegs.

                            Bürgi Anja

                            Ich bin d’Anja und chume us Muri. Ich schaffe als Fachfrau Gsundheit im Solino z’Boswil. I minere Freiziit gang ich is Aerobic und vebring gern Ziit mit mine Kollege und Kolleginne. Ich gang scho siit ich i de 3. Klass bin is Blauring und ech liebs eifach. S’allerbeste im Blauring sind alli Lager.

                                Bütler Alicia

                                Ich bin d’Alicia und gange ad Kanti in Wohle. Ih minere Freiziit spiel ich gern Handball, unternimme öppis mit Kollege und natürlich de Blauring. Jedes Johr freu ich mich uf s’Sommerlager und uf alli coole Erläbniss mit minere Gruppe de Pastitos.

                                    Carozza Muriel

                                    Ich bin d’Muriel und siit em 2008 im Blauring debi. Leiterin beni vode Gruppe Churros. Ich chume vo Muri und schaffe als Pflegefachfrau z’Aarau im Spital. Ih minre Freiziit bini gern im Blauring und spiele Trompete bide Gängelimusig. Mis Blauringhighlight isch s’alljährliche Sommerlager womer zeme en unvergesslichi Ziit verbringed.

                                        Culkovski Jenny

                                        Ich bin d Jenny und wohne in Muri. Ich gange id FMS in Wohle, damit ich emol Lehrerin cha werde. Ich bin Leiterin vo de Gruppe Lunaria und mis Highlight vom Blauring isch jedes Jahr s Sommerlager. Ich bin sit de 3. Klass im Blauring. Wenn ich mal ned am lerne oder Husi mache bin gahni ame no is Fitnessstudio.

                                            Erny Alicia

                                            Ich bin d’Alicia, chume us Muri und gange in Wohle ad Kanti. Ih minere Freiziit spil ich gern Volleyball oder undernimm öppis mit Fründe. Siit em 2013 bin ich im Blauring debii und mis grosse Highlight vom Jahr isch s’Scharspiel im Sommerlager.

                                                Freimann Sophie

                                                Ich bin d’Sophie und wohne z Muri. Ich mache grad en Informatik Lehr z’Zug und bin d Leiterin vo de jüngste Gruppe. Im Blauring bini scho sit de 2. Klass und mis Highlight isch immer s Lager wo ich au scho sit em Ahfang debi bin. Näbscht em Blauring bini suscht gern mit Kollege zäme.

                                                    Gaberthüel Sarina

                                                    Scharleitung

                                                    Ich bin d’Sarina, Teil vo de Scharleitig und zodem Leiterin vo de lustige und mega coole Chichewas. Ich chume us Muri und schaffe als Fachfrau Gsundheit imene Pflegheim. Ich mache ih minere Freiziit Grätturne und bin scho siit de 4. Klass im Blauring und liebes will mer alli zäme wie en grossi Familie sind.

                                                        Hägi Banshy

                                                        Ich bin d’Banshy und Leiterin vo de Gruppe Chichewas. Ich wohne in Basel und gange au det ad Kanti. Ih minere Freiziit gang ich gern is Blauring, fahre Kajak und finds immer toll öpis z’unterneh. Es Highlight vom Blauring isch för mich s’Sommerlager.

                                                            Hofherr Leonie

                                                            Ich bin d’Leonie, chume us Muri und mache momentan en Lehr als KV. Sälber bin ich scho sit em Anfang im Blauring und ha jetzt s Glück Leiterin z sii vo de jüngschte Gruppe. Mis Highlight isch natürlich immer s Sola, vorallem de EasyDay 🙂 Das Lager wo mir aber warschindlech am meiste in Erinnerig wird bliibe, isch das wo ich als 15er Team ha chönne erläbe.

                                                                Huber Thalia

                                                                Ich bin Thalia und schaffe als Bäckerin Konditorin. Usserhalb vom Blauring gang ich gern go schwimme und unternehm öppis mit mine Fründinne. Im Blauring freu ich mich immer am meiste uf d’Solas und Pfilas.

                                                                    Huwiler Irina

                                                                    Ich bin d‘Irina und chume vo Muri. Ich bin Leiterin vode Gruppe Mauloa. Momentan mach ich d‘Bruefsmatura in Züri, da ich Primarlehrerin möcht werde. Nebst em Blauring spiel ich Tennis, unternimm gern öpis mit mine Fründe und tuen bache.

                                                                        Käppeli Fiona

                                                                        Ich bin d’Fiona und stolzii Leiterin vo de Gruppe Sumalia. S’schönnste am Blauring find ich, dass mer vielli Fründe für s’Lebe kenne lernt und mer eifach die Person chan sie wo mer au isch.

                                                                            Knecht Isabelle

                                                                            Ich bin d’Isabelle, wohne in Muri und gange z’Wohle id Kanti. Nebst de Schuel tanz ich sehr gern HipHop, choche oder bache und natürlich isch au de Blauring es grosses Hobby vo mir. Siit de 2. Klass bin ich scho im Blauring und jetzt bin ich Leiterin vo de Churros. Es isch immer mega lässig i de Gruppestunde. Mini Highlights im Blauring sind ganz klar die unvergessliche SOLAs jedes Jahr.

                                                                                Konrad Lisa

                                                                                Ich bin d’Lisa und zäme mit de Jenny und de Khira Leiterin vo de sehr lebändige Lunarias. Ich bin scho sett de erste Gruppestund im Blauring debii. För mech esch jedi Gruppestund mit mine Mädels es Highlight. Ich freu mich natürlich au jedes Johr mega uf s’Sola. Es ganz speziells esch aber das im Johr 2015 in Waldkirch gsii, wo ich im 15er-Team gsi ben.
                                                                                Ich studiere Agrarwösseschafte ade ETH in Züri und i minere Freiziit bin ich nebem Blauring no i de Gugge bi de Stiefeliryter oder bache und choche sehr gern.

                                                                                    Kuhn Livia

                                                                                    Ich bin d‘ Livia und ich schaffe i de Pflegimuri als Fachfrau Gsundheit. Ih minere Freiziit gah ich is Blauring, snowboarde und unternimm gern Sache mit Kollege. Mis Jahres-Highlight isch s’Sommerlager, vorallem 2021!

                                                                                        Küng Marilen

                                                                                        Ich bin d’Marilen und mache momentan es Zwöschejahr. Ih minere Freiziit spiel ich Handball und zähle gern Rägetropfe. Ich ben scho siit de 2. Primar im Blauring und jetzt beni Leiterin vo de Gruppe Pastitos. S’Beste am Blauring find ich s’Sommerlager, vorallem s’Scharspiel.

                                                                                            Mäder Rachel

                                                                                            Ich bin d’Rachel und schaffe als Fachfrau Betreuig in Bremgarte. Ih minere Freiziit gang ich in Blauring und verbring gern Ziit mit mine Kollege. S’Grosse Highlight vom Jahr isch immer s’Sommerlager, vorallem das als 15ner Team.

                                                                                                Meier Simona

                                                                                                Ech ben d’Simona ond chome usem schöne Muri. Siit em 2007 go ech in Blauring ond ben emmerno sehr motiviert. Eines Tages werd ech en Chindergärtnerin si. Mini Gruppe bestaht us 12 super coole Mädels ond 3 ufgstellte Leiterinne. S’coolste Erlebnis för mech esch die erst Gruppestund met eusne Chind gsi.

                                                                                                    Müller Noëmi

                                                                                                    Ich bin d’Noëmi, chume us Bünze und bi Leiterin vo de Gruppe Pastitos. Ich mache momentan d’Lehr als FaGe. I minere Freiziit gahni is Blauring, spiele Handball oder mache öppis mit Kollege. Mis Highlight vom Blauring isch gsi, womer imene Bikerclub übernachtet hend und eus 2 kg Ben&Jerrys bstellt hend als Belohnig well mer dur de Tag so wiit gloffe sind, aber au jede anderi Ahlass isch immer weder es mega tolls Erlebnis gsi und ech freu mech uf wiiteri tolli Jahr im Blauring.

                                                                                                        Querol Linda

                                                                                                        Ich bin d’Linda und Leiterinvo de Chichewas. Ich wohne in Muri und mache s’KV im Kantosspital Aarau. Ih minere Freiziit gang ich gern met Kollege use.

                                                                                                            Räber Khira

                                                                                                            Hoii zämee:) Ich bin d Khira, chome vo Muri und be Leiterin vo de Lunarias. Momentan gohni id FMS zWohle, mitem Ziel spöter Lehrerin zwerde. Ih minere Freiziit unternimmi gern öpis mit mine Kollege und gohne natürlech au unglaublech gern in Blauring:). Ich be sälber scho siit de zwoite Klass debii und froii mii uf die nöchschte Johr als Leiterin:). Mis Highlight esch natürlech jedes Johr s Sola, vorallem s 15er Lager 2022 in Oberägeri!

                                                                                                                Scheuber Amina

                                                                                                                Scharleitung

                                                                                                                Ich bin d’Amina und chume us Muri. Ich bin stolzi Leiterin vo de Mauloas und i de Scharleitig. Da ich gern Lehrerin wett werde, gang ich z’Wohle ad FMS. Näbem Blauring mach ich vill mit Kollege, bache und choche gern und im Winter fahr ich au ab und zue mol Snowboard. Ich bin scho siit de 2. Klass im Blauring und es gfallt mer immer no so guet wie am erste Tag. Mis Highlight isch natürlich immer s’Sommerlager, wo mer alli mittenand en tolli Ziit verbringed.

                                                                                                                    Scheuber Timea

                                                                                                                    Ich bin d Timea, chume us Muri und gohne momentan no id Schuel. Nach de Schuel mach ich en Usbildig als FaBe. Mini Hobbies sind näbst em Blauring au no Musig mache und im Winter goni sehr gern uf d Piste met mim Brätt. Im Blauring freu ich mich immer uf die tolle Gruppeöbige am Lagerfüür, wo mer im Sola amigs döfed verbringe.

                                                                                                                        Schneider Michaela

                                                                                                                        Ich bin d’Michaela und ich wohne in Muri. Momentan gang ich ad Kanti z’Wohle. I minere Freiziit spel ich Volleyball, mache gern öppis met Kollege und gang au gern is Blauring. Ich ben scho set de zwoite Klass im Blauring und ben jetzt Leiterin vode Jüngste worde. Mis Blauring Highlight vom Johr isch natürlich s’Sola und s’Scharspiel.

                                                                                                                            Schneider Patrizia

                                                                                                                            Ich bin d’Patrizia und Leiterin vo de Chichewas (die herzigste und bravste Chind).Ich bin ah de Kanti mitem Ziil spöter eventuell Lehrerin z’werde. Mini Hobbys sind Volleyball, Jogge, mit Fründe abmache und natürlich Blauring. Mis Highlight esch s’Sola. S’beste dra Leiterin z’si esch, dass mer mit sine Chind ufwachst, ihne Sache chan mitgeh und das sie eim so vill zrugg gebed.

                                                                                                                                Stämpfli Amber

                                                                                                                                Ich bin d’Amber und Leiterin vo de  Gruppe Churros. Ich wohne in Spanie und studiere au det. Im Blauring beni scho siit em 2008 debi und ich freu mich jedes Jahr wieder ufs Sommerlager. Mini Hobbys sind male, de Blauring und kitesurfe.

                                                                                                                                    Tamburini Aurelia

                                                                                                                                    Ich bin d’Aurelia und studiere Sport in Basel. Ich bin Leiterin vo de Gruppe Churros und met viel Spass siit 2012 im Blauring debi. Ih minere Freiziit spiel ich Handball und due au gern die Chline coache. Im Winter gang ich gern go Skifahre. D’Highlights vo minere Blauringziit sind alli Lager woni bes etz ha döffe meterlebe.

                                                                                                                                        Villiger Lisa-Marie

                                                                                                                                        Ich bin d’Lisa-Marie, chume us Muri und bi Leiterin vo de Gruppe Pastitos. Mis Ziil isch es Lehrerin z’werde. Neb de Schuel gahn ich gern go Fotografiere oder unternimme öppis mit Fründe. S’Highlight jedes Jahr find ich s’Sommerlager, insbesondere s’zäme sii am Lagerfüür, aber au alli andere Ahläss sind jedes mal es super Erlebnis!

                                                                                                                                            Wachter Muriel

                                                                                                                                            Hoi zäme ich bin d‘Muriel und chume usem schöne Muri & mache s KV uf de Mobiliar. Näbscht em Blauring bin ich gern uf de Loitsch mit Fründe oder dun mich gern sportlich betätige (spele Tennis, tanze Hip Hop & im Winter fahri gern Ski.) Es grosses Highlight für mich im Blauring isch s jährliche SOLA wo eifach jedes Jahr de absoluuti Hammer isch. Ich freue es mich mega als Leiterin mit de jüngschte Meitlis z starte.

                                                                                                                                                Wild Carmen

                                                                                                                                                Ich bin d’Carmen und wohne in Muri. Schaffe tuen ich imene Treuhandunternehme. Ich bin Leiterin vo de Gruppe Sumalia, de natürlich kuulste Gruppe überhaupt. Mit mine Chind tueni am liebste öppis feins bache oder choche. Mis absolute Highlight vom Blauring isch selbstverständlich jedes Jahr s’Sommerlager.

                                                                                                                                                    Wild Charlotte

                                                                                                                                                    Ich bin d’Charlotte und bsueche d’Kantonsschuel z’Wohle, wohne aber in Fahrwange. Ich bin Leiterin vo de Gruppe Pastitos. I minere Freiziit beni im Blauring und verbrenge gern Ziit met mine Fründe. Ich ben im Blauring, well ich emmer en tolli Ziit gha han, egal öb inere Gruppi oder imene Sola. S’beste im Blauring fend ech s’Sommerlager, wos immer super Esse geht und natürlich au die viele tolle Gruppis.