Leiterinnen

    Barrer Linda

    Ich ben d’Linda und wohne in Muri. Ech bsueche momentan die 3.Bez und werd nöchscht Jahr en Lehr  ih de Pflegi Muri als Fachfrau Gesundheit mache.  I minere Freiziit spiel ech gern Tennis, gah in Blauring und treff mech mit Fründä. Ech be im Blauring wells emmer unvergässlichi Momänt gid, wie im Lager oder ih de Gruppis. Ech leite met de Salome und de Ramona d’Gruppe Namidas.

        Berrocoso Jana

        Ech ben d’Jana ond studiere Geographie ond näbebii no chli Französisch ah de Universität Züri.
        Leiterin ben ech zäme met de Elena vo de sehr lebändige Valya-Misilias. Zwar bin ech Querihstiegerin im Blauring ond ersch siit em 2014 debii als Leiterin, d’Ziit goht jedoch uh schnell verbii ond drum gnüss ech jetzt die räschtlech Ziit wo ech no zäme met de Elena ond eusne Chind han.

            Bischoff Céline

            Ich bin d’Céline und chume us Muri. Ich gahne ad Fachmittelschuel in Wohle. Nebe de Schuel gahn ich is Handball und unternimme gern öppis mit Fründe. S’Highlight jedes Jahr findi s’Lager, insbesondere s’Scharspiel. Aber au alli andere Ahläss wie d’Gruppestunde und d’Pfingstweekends sind jedes mal es super Erlebnis!

                Bossart Jasmin

                Ich bin d’Jäse und Leiterin vo de Gruppe Churros. Wohne duen ich z’Muri ond z’Wohle gangi id Kanti. Ich bin scho sett em 2008 im Blauring ond es macht mer immerno so vell Spass wie damals. Am liebste hani s’Sommerlager. Soscht speli i minere Freiziit no Handball, Gitarre ond due au gern singe.

                    Burkard Michelle

                    Ich bin d’Michelle und chume us Muri. Ich schaffe als Geomatikerin in Lenzburg. Ih minere Freiziit gahni gern in Blauring, duene Snöbe, aktiv Grätturne, Wasserfahre, Squashe oder mich soscht ergendwie sportlich betätige. Jedes Lager isch für mich es Highlight aber vorallem das im 2014 wo ich als 15-ner Team han döffe erläbe trotz em grusige Wetter. Natürlich isch au jedes Scharspiel es risigs Highlight für mich wo mer sich richtig ustobe chan.

                        Burkard Selina

                        Ich bin d’Selina und schaffe als medizinischi Praxisassistentin in Knonau. I minere Freiziit mach ich gern Sport, unternehme ebbis mit mine Kollege und natürli de Blauring.
                        Ich bin Leiterin vo de Gruppe Maumary.
                        Mis Highlight vom Blauring isch s’Schaarspiel i jedem Lager und ich freue mich etz scho uf no paar interessanti Jahr im Blauring und zahlrichi Scharpiel. Ebefalls es tolls Erlebnis für mich isch s’Lager 2018 als Lagerleitig gsi.

                            Bütler Alicia

                            Ich bin d’Alicia und ich chume us Muri. I minere Freiziit duen ich gern Volleyball spiele, mit Fründe öppis mache und gange natürlich gern in Blauring. Momentan bsuech ich s’Forum 44 in Aarau. S’beschte am Blauring find ich alli Sola’s und eifach s’zäme sii.

                                Carozza Muriel

                                Ich bin d’Muriel, im Blauring aber au als Spauz bekannt und Leiterin vo de Gruppe Churros. Ich wohne z’Muri und schaffe als Fachfrau Gsundheit inere Reha Klinik.
                                Im Blauring beni scho sitt em 2008. Mis grösste Highlight isch s’Sommerlager jedes Jahr, well mer dete zäme en tolli Ziit erläbed.

                                    Caubergh Catherine

                                    Ich bin d’Catherine, wohne z’Muri ond gange ad Kanti z’Wohle. Ich wett nachher Sportärztin oder öppis anders Richtig Sport studiere. Ich be Leiterin vo de tolle Churros. I minere Freiziit mach ich sehr gern Sport, vor allem Handball und Ski fahre. S’Highlight im Blauring isch natürli immer s’Sommerlager ond s’Scharspiel, wells immer en loschtigi und unvergesslichi Ziit isch.

                                        Diethelm Laura

                                        Ich ben d’Laura und bin Leiterin vo de Sumalia. Ich wohne in Muri und schaffe in Luzern als Köchin. Mini Hobbys send de Blauring und Ishockey.

                                            Fischer Jasmin

                                            Ich ben d‘Jasmin und ben siit em 2014 Leiterin vo de Maumarys. Mini Hobbys sind natürli de Blauring, aber ich due au gern lese oder ben met Fründe unterwegs. Mis Bruefsziel esch Primarlehrerin. Mis Highlight im Blauring isch s‘SoLa 2018 gsi, well mer mega vell Chind gha hend unds immer lustig gsi esch.

                                                Hunziker Ramona

                                                Ich bin d’Ramona und wohne scho siit eh und je im wunderschöne Muri. Ich han en abgschlossni  Lehr als Fachfrau Behindertebetreuig. Mini Hobbies sind natürlich de Blauring, Musig lose und ich spile inere Gugge mit. Siit em 2005 bini im Blauring, dass heisst ich bin acht Johr bi de coolste Gruppe Anduril gsii und jetzt siit em 2013 bini Leiterin vo de natürlich no vill coolere Gruppe Namida. Mis grosse Highlight i minere bis jetzige Blauringziit isch natürlich mis allererschte Zeltlager in Bonaduz, eifach unglaublich was mer alles i de Natur und i de ganze Schar erlebe cha. I freu mi no uf vili wiiteri spannendi und luschtigi Johr als Leiterin.

                                                    Huwiler Chiara

                                                    Ich bin d‘ Chiara und Leiterin vo de lustige und ufgweckte Gruppe Lunaria. S’Highlight vom Blauring isch für mich s’alljährliche Sommerlager, wo mer immer sehr vell Spass zäme händ und natürlich au die velle tolle Gruppestunde, wo mer s ganze Jahr dure dörfed erlebe. Nebem Blauring mach ich gern Sport und lese au sehr gern.

                                                        Ilg Anouk

                                                        Ich bin d‘Anouk und ben Leiterin vo de Gruppe Maumary. Ich wohne in Muri und schaffe als medizinischi Praxisassistentin i de Chinderarztpraxis in Wohle. Näbst em Blauring benn ich fürs läbe gern uf de loitsch und treffe mich oft mit frönde. Jedi Gruppestund mit mine ufgweckte Mädis isch für mich einzigartig toll!

                                                            Kägi Samira

                                                            Ich bin d’Samira und ich wohne in Luzern. Im Moment bin ich no am studiere, um Primarlehrerin z’werden. Im Blauring bin ich Leiterin vo de Gruppe Menelya, wo jetzt au scho im 15-ner Team isch. Am meiste Spass im Blauring macht mer natürlich s’alljärliche Sommerlager, wommer mitenand zwei Wuche döffed go Zelte,  ob bi guet oder schlecht Wetter. Wenn ich ned im Blauring tätig bin, gang ich im Summer entweder go Wandere oder Chlättere und im Winter bini eigentlich immer ufem Schnee am Snowboarde.

                                                                Käppeli Fiona

                                                                Scharleitung

                                                                Ich bin d’Fiona und stolzii Leiterin vo de Gruppe Sumalia. Zudem beni au i de Scharleitig. S’schönnste am Blauring find ich das mer vielli Fründe für s’Lebe kenne lernt und mer eifach die Person chan sie wo mer au isch.

                                                                    Konrad Lisa

                                                                    Ich bin d’Lisa und bin Leiterin vo de Gruppe Lunaria. Ich bin scho sett de erste Gruppestund im Blauring debii und mis Highlight esch natürli s’Sola wo jedes Johr weder stattfindet. Es ganz speziells esch aber das im Johr 2015 in Waldkirch gsii, wo ich im 15er-Team gsi ben.  Nebem Blauring bin ich no inere Theatergruppe und ide Guggemusik be de Stiefeliryter.

                                                                        Küng Marilen

                                                                        Ich bin d’Marilen und ich gange ad Kanti z’Wohle, aber wohne z’Muri. I minere Freiziit spiel ich Handball und zähle gern Rägetropfe. Ich ben scho siit de 2. Primar im Blauring und jetzt öbernehm ech die jöngst Blauringgroppe. S’beste am Blauring find ich s’Lager, vor allem s’Scharspiel.

                                                                            Küng Riccarda

                                                                            Ich bin d’Ricci oder au bekannt als Mini-Jini. Mini Hobbies sind Fitness, Blauring, tanze und schwimme. Ich schaffe als MPA innere Arztpraxis. Da mini Chind jetzt selber scho Leiterinne sind, bin ich als Hilfsleiterin im Blauring tätig und helfe det wo ich grad chan.

                                                                                Meier Simona

                                                                                Ech ben d’Simona ond chome usem schöne Muri. Siit em 2007 go ech in Blauring ond ben emmerno sehr motiviert. Eines Tages werd ech en Chindergärtnerin si. Mini Gruppe bestaht us 15 super coole Mädels ond 4 ufgstellte Leiterinne. S’coolschte Erlebnis för mech esch die erst Gruppestund met eusne Chind gsi.

                                                                                    Müller Noemi

                                                                                    Ich bin d’Noemi und ich chome us Bünze. Momentan mach ich en Lehr als FaGe im Spital Muri.  I minere Freiziit spiel ich Handball, gah is Blauring und mache gern öppis mit Kollege. S’Highlight vom Blauring isch natürlich s’Sommerlager, und ganz bsundrig s’Scharspiel. Aber au die andere Ahläss wie Pfingstlager, Gruppestunde und Märtbeizli sind immer toll.

                                                                                        Stämpfli Amber

                                                                                        Ich bin d’Amber und Leiterin vo de  Gruppe Churros. Ich wohne in Spanie und studiere au det. Im Blauring beni scho siit em 2008 debi und ich freu mich jedes Jahr wieder ufs Sommerlager. Mini Hobbys sind male, de Blauring und kitesurfe.

                                                                                            Stampfli Celine

                                                                                            Ich ben d’Celine und ben d’Leiterin vo de tolle Gruppe Lunaria. Ich schaffe i de Spieloase Muri.
                                                                                            Näbem Blauring dueni gern singe und mit mim Hündli spiele.
                                                                                            Mis Highlight im Blauring isch natürli s’SoLa wo jedes Jahr eifach fantastisch isch.

                                                                                             

                                                                                                Stämpfli Cora

                                                                                                Ich bi d’Cora und angehendi Dolmetscherin. Nebem Blauring dueni au gern skifahre, windsurfe und ganz viel lese. Bis jetzt hani in Spanie gwohnt, han aber siit Chind immer am Sommerlager dörfe teilneh. Das isch immer es mega tolls Erlebnis gsi!
                                                                                                Jetzt bini in Winterthur und chan au endlich a de Gruppestunde und soscht lässige Events mitmache. Ich freu mich scho uf wiiteri lustigi und abentürlichi Stunde.

                                                                                                    Strebel Corina

                                                                                                    Ich bin Corina Strebel und Leiterin vom 15er-Team alias Menelya & Ragnarök. Ich schaffe uf de Abteilig Stüre & Finanze. Näbem Blauring spiel ich au no Handball bim TV Muri. Mis absolute Highlight send die viele tolle Sommerlager & die viele Fründe wo mer dezue gwunne hed i dene Johre.

                                                                                                        Strebel Salome

                                                                                                        Scharleitung

                                                                                                        Ich bin d’Salome und be Leiterin vo de Gruppe Namida sowie Scharleiterin vom Blauring Muri. Nebst em Blauring ben ech gern i de Berge am wandere und im Winter bsonders gern am Ski fahre.
                                                                                                        Brueflich bin ich als Pflegefachfrau im Spital Muri tätig.

                                                                                                            Tamburini Aurelia

                                                                                                            Ich bin d’Aurelia und wohne z’Muri. Ad Kanti gahni aber z’Wohle. Ich bin Leiterin vo de Gruppe Churros und met viel Spass siit 2012 im Blauring. Ih minere Freiziit spiel ich Handball und im Winter gang ich gern goh Skifahre. D’Highlights vo minere Blauringziit sind alli Lager woni bes etz ha döfe meterlebe.

                                                                                                                Tröndle Julia

                                                                                                                Ich be d’Julia und be Leiterin vo de Sumalias. Neb em Blauring gangi im Winter gern go snöbe und im Sommer beni gern dusse am d’Sonne gnüsse. Weg minere Lehr als Hotelfachfrau chan ich leider nöm so vell in Blauring, wieni gern wör, aber weni weder mal debii ben ischs en mega lässigi Ziit.

                                                                                                                    Villiger Lisa-Marie

                                                                                                                    Ich bin d’Lisa-Marie und chume us Muri. Mis Ziel isch Lehrerin z’werde. Nebe de Schuel gahn ich gern go Fotografiere oder unternimme  öppis mit Fründe. S’Highlight jedes Jahr find ich s’Sommerlager, insbesondere s’zäme sii am Lagerfüür, aber au alli andere Ahläss sind jedes mal es super Erlebnis!

                                                                                                                        Wild Carmen

                                                                                                                        Ich bin d’Carmen und wohne in Muri. Schaffe duen ich imene Treuhandunternehme. Ich bin Leiterin vo de Gruppe Sumalia, de natürlich kuulste Gruppe überhaupt. Mit mine Chind dueni am liebste öppis feins bache oder choche. Mis absolute Highlight vom Blauring isch selbstverständlich jedes Jahr s’Sola.

                                                                                                                            Wild Charlotte

                                                                                                                            Ich bin d’Charlotte und bsueche d’Kantonsschuel z’Wohle, wohne aber in Muri.
                                                                                                                            I minere Freiziit duen ech gern Volleyball spele , ben im Blauring und verbrenge gern Ziit met mine Fründe.
                                                                                                                            Ech ben im Blauring, well ich emmer en tolli Ziit gha han, egal öb inere Gruppi oder imene Sola. S’beste im Blauring fend ech s’Sommerlager, wos immer super Esse geht, und natürlich die viele tolle Gruppis.

                                                                                                                                Wüthrich Elena

                                                                                                                                Ich bin d’Elena und zäme mit de Jana Leiterin vo de super Gruppe Valya-Misilia. Ich bin siit de 2. Primar im Blauring und gnüsse jetzt au no die letsti Ziit bevor denn eusi „Chline“ dörfid Leiterinne werde.
                                                                                                                                Schaffe duen ich i de Pfleg und i minere Freiziit bin ich natürli gern im Blauring, chli am spörtle oder eifach d’Ziit mit mine Liebste am gnüsse.