Mer send d’Gruppe Churros und sind 11 ufgstellti Meitli mit 5 Leiterinne. Am liebste simmer dusse i de Natur und mached Spieli. Mer düend aber au sehr gern bastle oder eignigi Theaterstück erfinde und so oisi Leiterinne zum lache bringe. Au bache und choche dümmer sehr gern.. s‘ässe nachher ned z’vergässe. 🙂
Egal wele Ahlass, ob Gruppestund, Scharahlass oder Sommerlager, bi ois gids immer öppis z’lache und mer send met voller Freud debii.